公司有個儍婆自己斟水時不小心，給熱水燙到少許，便大事宣揚，還攪到去人事部，又話要冰，又話要燙火膏等等。但竟然公司有很多無聊人陪佢發癲，又用牙膏、蘆薈(不知從那裡拿來新鮮蘆薈)幫她敷，有人還竟然說要報工傷，剛剛仍有人問公司有沒有給燙偒用的白色手套給她戴。我心裡不禁罵「低能」！要不要送她去醫院呀？她以為自己是千金大小姐？還是王妃呀？只是給熱水燙到少許，攪到好似比滾油燙傷。而且那些只是普通的熱水，又不是滾水，都不知有沒有60度。我給滾油、爐頭燙偒都不知多少次，從來沒有她那麼誇張。其實簡單地用水喉水沖15分鐘，咩事都無啦！

我篇人際關係篇終於出籠了，我真的差點忘記了，直至今日吃午飯時又聽到難聽說話才令我想起來。公司同事好奇怪，當中超過8成人說話非常直接，完全不理會別人感受，但不知道是否人人都是這樣說話，他們並不覺得有任何不妥。所以工作餘時我大多不會出席他們的活動，一來時間對我來說已是非常寶貴，二來我不想強迫自己做不喜歡的事，我會覺得對不起自己，有時間我倒不如和家人、愛貓、好友相處和見面。

我好憎啲group member，好憎好憎，一個趨咗幾萬次才交半版紙，我好聲好氣同佢講，佢仲先發我脾氣，仲話唔知我哋寫咁多嘢做咩，佢以為仲係交proposal。小姐呀，死期到啦，一早話咗係交整份project嘅draft，就算無講都有common sense啦，更何況講得好清楚，人人都知係佢唔知，唉！我都唔想再同佢嘈。

另一個交咗兩版紙但失踪，一早出咗email話星期日晚十點開電話會議，你唔得閒都回覆人啦，我哋不停打電話都揾唔到佢，之後仲講大話，真係過分。幾日後佢覆email啦，但係佢話整個假期都out of town，唔可以group meeting，今晚已經走啦，諗住番學時傾都唔得。嘩真開心喎，我哋做到死，你去旅行玩？放完假的星期三就要做presentation啦，有無責任心架？

連我媽都問佢哋個大學學位點樣得番嚟？係唔係買番嚟？我都想知，咁嘅態度都畢到業？我同任何一個人講都唔信會有咁嘅人，我真係好黑，以往都遇過唔係幾好的group member，但絶對唔會衰到依家咁。我究竟做錯啲咩會得到咁嘅下場？

最近實在太忙，忙到上網的時間都沒有，連人際關係篇都未寫，但竟然中途要插入一篇家庭篇。之前提過我那些不知所謂，極度討厭的親戚，見都不想見。今日聽到一個驚人的消息，我五叔下個月14號返香港，無人肯收留佢，竟然打電話來說要來我家住，阿爸又竟然答應。五叔去了加拿大十多年，一個電話都沒有打過來問候，現在一打來就要來我家住!? 有事鍾無艷，無事夏迎春呀？

究竟依家仲有無人為知識而讀書呢?

一個成年人選擇半工讀又為了什麼呢?

我 ─ 心力交碎、心如止水。

無論工作上、學業上、人際關係上，我已再沒有力氣了。

兩日前阿妹無心插柳下將Mocha的一段片放上網，今日竟然收到Yahoo來電說進入了一個名為「寵物大舞台」比賽的最後階段。哈哈，其實我都唔係好明點解，但確實是近期唯一的驚喜。